Naxçıvan Muxtar Respublikası ərazisində bərk məişət
tullantılarının yığılması, daşınması və zərərsizləşdirilməsi
xidmətlərinin tariflərinin (qiymətlərinin)
təsdiq edilməsi barədə
«Bərk məişət tullantılarının yığılması, daşınması və zərərsizləşdirilməsi xidmətlərinin tariflərinin tənzimlənməsi barədə» Azərbaycan Respublikası Tarif (Qiymət) Şurasının 2011-ci il 24 noyabr tarixli 05 nömrəli qərarından irəli gələn vəzifələrin icrasını təmin etmək məqsədilə Naxçıvan Muxtar Respublikasının Nazirlər Kabineti qərara alır:
1. Naxçıvan Muxtar Respublikası ərazisində bərk məişət tullantılarının yığılması, daşınması və zərərsizləşdirilməsi xidmətlərinin tarifləri (qiymətləri) bu qərarın əlavəsinə uyğun olaraq təsdiq edilsin.
2. Naxçıvan Muxtar Respublikasının İqtisadi İnkişaf Nazirliyi, Maliyyə Nazirliyi, Vergilər Nazirliyi (şəhər) rayon icra hakimiyyətləri ilə birlikdə bu qərardan irəli gələn məsələləri həll etsinlər.
3. Bu qərar 2011-ci il dekabrın 1-dən qüvvəyə minir.
Naxçıvan Muxtar Respublikasının
Baş naziri: Ə.Baxşıyev
02 dekabr 2011-ci il
№ 100
Naxçıvan Muxtar Respublikası Nazirlər
Kabinetinin 2011-ci il «02» dekabr tarixli
100 nömrəli qərarı ilə təsdiq edilmişdir
Naxçıvan Muxtar Respublikası ərazisində bərk məişət
tullantılarının yığılması, daşınması və zərərsizləşdirilməsi
xidmətlərinin tarifləri (qiymətləri)
№ |
Xidmət növü |
İstehlakçı qrup |
Ölçü vahidi |
Tariflər (ƏDV ilə manatla) |
1 |
Bərk məişət tullantılarının yığılması, daşınması |
1. əhali üzrə |
1 nəfər |
0,30 (aylıq) |
2. qeyri-əhali üzrə |
1m 3 |
10,00 |
||
1ton |
45,50 |
|||
2 |
Bərk məişət tullantılarının zərərsizləşdirilməsi |
1m 3 |
1,20 |
|
1 ton |
5,50 |